Obergricht
Miar Oberländer, fölsafescht,
sei wia dia Fearner g`froara.
Miar hocka ima Geiranöscht und
hoaba goar kuan Zoara.
Wenn d`Stadtler froaga: " Wo seid`s hea-
da moachma nit viel faxa:
"Voa oba ocha, sall isch gwieß,
wo d?Langlabiara woachsa.
Am Sunnti da geahts luschtig zua.
Knödl bei ins viel galta –
a Selchfleisch und a Kraut dazua –
und z`Weihnachta boachma Zalta.
Miar hoaba ou a schiane Tracht,
sall dörfats ins schua glouba.
A Fatzlkappa isch a Pracht –
hockt auf da Zöpfla douba.
Mei Schubload´ und i
I und mei Schubload´miar kemma guat aus.
Bald räum´i sie ein, bald räum´i sie aus.
Sie loacht mi oft oan und i loach d´rzua.
Earscht wenn i sie aufmoach´, gibt sie a Ruah.
Noacher weard hoalt moanchmoal a bissali g´reimt,
´s uane kritisiert und ´s oandre g´leimt.
Noach ara weil soagt sie wieder: "Hoascht nuit für mi?"
Sie woaß goanz genau: I schreib´lei für sie!
Anna Witting 9/91
Gruaß an Pfunds
Wo dr Inn sich durch´s Tol sich schleicht,
wo dr Kummer dr Freiad weicht.
Wenn Du hocha Berg siehst,
wenn dös Kreuzjoch di griaßt.
Ja dann isch es gonz gewiß,
daß in Pfunds Du endli bischt.
Ja in Pfunds im schiana Tirolerland da trägt ma Lederhos´und Traochtagwand.
Da isch die Natur nou heil, vom Kobl bis zur Tschey - Pfunds ischa Paradies koa schianderes Du finda werst.
Ja in Pfunds gibts für jeden eppas do macht an Urlaub richtig Spoaß.
Da konnst spaziera giahn Wiesen, Wälder und Auen sehn.
Ja dös aone isch gwiß daß ma Pfunds nia mehr vergißt.
